fjárlög 2026.

Virðulegi forseti. Við erum hér enn og aftur komin með tillögu til að reyna að hjálpa hv. þingmönnum stjórnarliðsins að ná því sem þeir lofuðu fyrir kosningar, þ.e. að hagræða í ríkisrekstri. Við munum alveg halda áfram að koma með tillögur. Það hlýtur að koma að því að hæstv. ríkisstjórn sýni einhvern lit í því að reyna að hagræða. Þau eru alveg búin að sýna að þau geta eytt peningum, 143 milljarðar á milli umræðna. Maður myndi nú ætla, þar sem hér er sparnaður upp á 13,4 milljónir, að það væri kannski hægt að gera eitthvað í þessu. Viðreisn, eitthvað líf? Nei, virðulegur forseti, ekki núna. Við reynum aftur. En ég segi já.