skattar, gjöld o.fl. (tollar, leigutekjur o.fl.).

Frú forseti. Ég ætla ekki að hafa þetta langt. Ég styð þetta skref að sjálfsögðu þótt lítið sé. Það er alger óþarfi að vera með einhverja neikvæðni í garð þessa skrefs eingöngu vegna þess að það er lítið því að við munum taka fleiri skref. Mér heyrist vera mikill samhljómur um það hér í þingsal að við ætlum að ná fullri jöfnun raforkukostnaðar svo að hv. þm. María Kristinsdóttir eða fleiri þingmenn í þessum sal þurfi ekki að fá myndir af rafmagnsreikningum upp á 97.000 kr., hvort sem það er á Vestfjörðum eða annars staðar.