nálgunarbann og brottvísun af heimili.

Forseti. Það er rétt sem hv. þingmaður segir, að það er auðvitað langtum, langtum algengara að konur upplifi heimilisofbeldi en karlmenn. Þetta er kynbundið vandamál. Það á síður við þegar við erum að tala um umsáturseinelti. Þá erum við að tala um brot þar sem eru jafnvel engin tengsl á milli gerenda og þolenda. Svona klassískt dæmi úr menningunni er að það er þjóðþekkt persóna og svo er einhver einstaklingur sem fær þá manneskju á heilann. Starfshópurinn var hins vegar skipaður helstu sérfræðingum á sviðinu, en í starfshópnum sat líka aðstoðarmaður minn, Jakob Birgisson, sem er karlkyns, síðast þegar ég vissi.