veiðar í fiskveiðilandhelgi Íslands og stjórn fiskveiða.

Frú forseti. Ég kem hér upp og tek undir með félögum mínum sem tekið hafa til máls um fundarstjórn forseta. Það er mjög mikilvægt að hafa í huga að þegar kerfisbreyting á sér stað — þetta er kerfisbreyting, við komum henni á hér ekki fyrir svo löngu, fyrir tveimur árum — og kvaðir eru lagðar á atvinnuvegaráðherra tel ég mjög brýnt að málið sé skoðað aftur. Sérstaklega í ljósi þess að það er ekki hagur neins, hvort sem menn eru í stjórn eða stjórnarandstöðu, að leggja kvaðir á ráðherra til að fara á svig við fiskveiðiráðgjöf sem við höfum hingað til litið upp til. Þó að við höfum ýmsar skoðanir á því hvort ráðgjöfin megi vera svona eða hinsegin þá er það ekki það sem við viljum horfa til eða að (Forseti hringir.) leggja byrðar í hendur ráðherra hvað það varðar.