úrskurður forseta.

Forseti. Ég vil byrja á að þakka fyrir úrskurðinn eða hvað við viljum kalla þetta. Það sem kemur nokkuð á óvart og ég held að verði að huga svolítið að í störfum nefnda — hér var búið að samþykkja beiðni um að Lagastofnun Háskóla Íslands kæmi með álit tengt þessu máli en það er afturvirkni, að þá geti síðan meiri hluti nefndar bara hoggið á það einhvern tímann í framhaldinu. Ég er dauðhræddur við þetta. Ég held að allir þingmenn átti sig á því hversu alvarlegt þetta er, að það sé bara hægt eftir á að höggva á þetta, henda þessu út úr nefnd eins og það hafi aldrei gerst. Hvernig á minni hlutinn yfirleitt að geta starfað þegar þetta er leyst með þessum hætti, að þetta sé bara allt í góðu, að þessi nálgun sé tekin fyrir? Ég vildi aðeins vekja athygli hv. þingmanna og hæstv. forseta þingsins á þessu, þetta finnst mér vera mjög alvarlegt í þessum málum.