athugasemdir varðandi samráð og aðildarviðræður við ESB.

Virðulegi forseti. Ég kem hingað upp til að taka undir með kollegum mínum, þingmönnum, og lýsa vonbrigðum mínum hvað þetta varðar. Nú sat ég með hæstv. utanríkisráðherra í utanríkismálanefnd á síðasta þingi og ég held og er nánast fullviss um að hún væri sammála okkur, hún væri örugglega sammála okkur. Þetta er mjög stórt mál. Það hefur legið fyrir að þetta kæmi inn í þingið. Samráð við utanríkismálanefnd er algerlega hafið yfir vafa. Þetta hryggir mig og mér finnast þetta ekki vera góð vinnubrögð. Þetta er gríðarlega mikilvægt mál og ég vonast til þess að við munum lagfæra þetta hið snarasta. Við erum að fara að taka hér, eins og allir vita, eitt stærsta mál samtímans á Íslandi til umræðu og við hljótum að geta sýnt betri vinnubrögð.