athugasemdir varðandi samráð og aðildarviðræður við ESB.

Frú forseti. Ég kem hér til að taka undir með kollegum mínum, hv. þingmönnum, um að hér berist okkur til eyrna frá nefndarmönnum utanríkismálanefndar að hæstv. utanríkisráðherra hafi neitað að koma fyrir nefndina í morgun. Hv. þm. Sigmundur Davíð Gunnlaugsson las hér upp 24. gr. þingskapalaga áðan og það er ekkert hægt að skilja þetta öðruvísi en svo að þarna sé hæstv. ráðherra að brjóta þingskapalög, í það minnsta, til að hafa vaðið fyrir neðan mig, í það minnsta að sýna hv. nefnd og þinginu þar með öllu algera vanvirðingu.