athugasemdir varðandi samráð og aðildarviðræður við ESB.
Virðulegur forseti. Við erum öll sammála um að ef hæstv. ráðherra hefði ákveðið að sækja um aðild að Evrópusambandinu án þess að tala við þingið eða nefndina, þá væri það brot á þingskapalögum, en kannski gegnir öðru máli þegar um er að ræða þingsályktunartillögu sem er lögð fram. En mig langar að bera upp spurningu til forseta. Nú er það þannig að formanni barst ósk um það seinni part föstudags að ráðherra kæmi fyrir fund nefndarinnar. Formaður vann úr þeirri ósk um helgina og tilkynnti síðan þeim sem hafði beðið um þetta seinni part sunnudags um að ráðherra myndi mæta á fund nefndarinnar á fimmtudegi og fékk engin frekari viðbrögð við því.
Telur forseti að þarna hafi annaðhvort formaður nefndarinnar eða hæstv. ráðherra gerst brotlegur við þingskapalög hvað þetta varðar? Að um óeðlilegan hægagang hafi verið að ræða eða hvað?
