athugasemdir varðandi samráð og aðildarviðræður við ESB.

Virðulegur forseti. Mér finnst næstum því eins og við séum farin að rífast um keisarans skegg hérna. Það dylst engum að málið kemur fram í dagsljósið. Utanríkismálanefnd á eftir að fjalla um þetta mjög vel og lengi milli tveggja umræðna. Þetta er í hverjum einasta þætti. Það er ekki hægt að kveikja á útvarpinu án þess að maður heyri þingmenn vera að tjá sig um málið þannig að þetta mun fá mjög mikla efnislega umræðu. Það í hvaða röð nákvæmlega þetta er gert — þetta er farið að minna mig á verkfræðinginn sem ég vann með sem keyrði alltaf upp Brekkuna, kom inn á skrifstofu og sagði mér að hann væri að fara að senda mér „e-mail“.