þjóðaratkvæðagreiðsla um framhald viðræðna um aðild Íslands að Evrópusambandinu.

Virðulegi forseti. Þessi umræða hefur verið nokkuð góð og málefnaleg hingað til. Hins vegar kom hv. þm. Guðlaugur Þór Þórðarson í andsvar við hv. þm. Dag B. Eggertsson og kallaði háskólamann hér, fjarstaddan úti í bæ, sagði að hann væri Evrópusinni sem skrökvar. Forseti gerði vissulega athugasemdir við það að þingmenn færu fram yfir ræðutíma, en ég spyr einfaldlega: Hyggst forseti gera athugasemdir við það þegar þingmenn vega hér að æru og starfsheiðri fjarstadds fólks?