05.05.1980
Efri deild: 75. fundur, 102. löggjafarþing.
Sjá dálk 2311 í B-deild Alþingistíðinda. (2187)

83. mál, Heyrnar- og talmeinastöð Íslands

Frsm. (Karl Steinar Guðnason):

Herra forseti Heilbr.- og trn. hefur fjallað um frv. til l. um Heyrnar- og talmeinastöð Íslands og fengið umsagnir fjárlaga- og hagsýslustofnunar og Tryggingastofnunar ríkisins. Jafnframt kölluðum við til ráðuneytis Birgi Ás Guðmundsson talkennara.

Nefndin var sammála um að mæla með samþykkt frv. með þeim breytingum sem fluttar eru á þskj. 419. Þær brtt. eru fjórar.

Í 1. lið er gerð tillaga um að breyta orðinu „uppeldisfræðingur“ í: taluppeldisfræðingur.

Við 5. gr. bætist: Í samræmi við hliðstæðar greiðslur almannatryggingalaganna. Hljóðar þá mgr. þannig: „Ráðh. setur að fengnum tillögum stjórnarstofnunarinnar reglur um þátttöku ríkisins í kostnaði vegna slíkra tækja í samræmi við hliðstæðar greiðslur almannatryggingalaganna.“

Þetta er gert til þess að ekki skapist misræmi í greiðslum til hinna ýmsu þátta et bættir verða.

Við 6. gr. bætist: og skal sú gjaldskrá vera í samræmi við gjöld fyrir aðra veitta sérfræðiþjónustu. Hljóðar greinin þá þannig: „Að fengnum tillögum stjórnar stofnunarinnar skal ráðh. heimilt að setja með reglugerð gjaldskrá fyrir veitta þjónustu stöðvarinnar og skal sú gjaldskrá vaxa í samræmi við gjöld fyrir aðra veitta sérfræðiþjónustu.“

7. gr. breytist á þann veg: Í stað orðanna „Stofnunin skipuleggur ferðir sérfræðinga“ verði upphaf greinarinnar“ þannig: Stofnunin skipuleggur ferðir starfsmanna sinna. — Það eru fleiri en sérfræðingar sem þarna skulu starfa og þykir þetta víðtækara orðalag.

N. leggur til, eins og sagði áðan, að frv, verði samþ. með þessum brtt.