19.04.1982
Efri deild: 67. fundur, 104. löggjafarþing.
Sjá dálk 3897 í B-deild Alþingistíðinda. (3367)

Varamaður tekur þingsæti

Forseti (Helgi Seljan):

Mér hefur borist svohljóðandi bréf:

„Alþingi, 16. apríl 1982. Þar sem ég er á förum til útlanda í opinberum erindagerðum mun ég ekki geta sótt þingfundi á næstunni. Leyfi ég mér því með skírskotun til 138. gr. laga um kosningar til Alþingis að óska þess, að vegna forfalla 1. varaþm. taki 2. varaþm. Framsfl. í Reykjavík, Sigrún Magnúsdóttir kaupmaður, sæti á Alþingi í fjarveru minni.

Ólafur Jóhannesson,

5. þm. Reykv.“

Hér fylgir svo með annað bréf:

„Reykjavík, 16. apríl 1982.

Vegna anna sé ég mér ekki fært að taka sæti á Alþingi næstu daga.

Virðingarfyllst,

Haraldur Ólafsson.“

Sigrún Magnúsdóttir hefur áður tekið sæti á Alþingi og þarf því ekki að fara fram rannsókn á kjörbréfi hennar. Býð ég hana velkomna til starfa.