04.03.1986
Sameinað þing: 54. fundur, 108. löggjafarþing.
Sjá dálk 2953 í B-deild Alþingistíðinda. (2470)

Varamaður tekur þingsæti

Forseti (Þorv. Garðar Kristjánsson):

Borist hefur svohljóðandi bréf:

„Alþingi, 3. mars 1986.

Steingrímur Hermannsson, 2. þm. Vestf., hefur ritað mér á þessa leið:

„Með vísan til 130. gr. 3. málsgr. laga nr. 52/1959 tilkynnist yður hér með að Magnús Reynir Guðmundsson frá Ísafirði mun taka sæti mitt á Alþingi næstu tvær vikur vegna setu minnar á þingi Norðurlandaráðs í Kaupmannahöfn.“

Þetta er yður hér með tilkynnt, herra forseti.

Ingvar Gíslason,

forseti Nd."

Magnús Reynir Guðmundsson hefur áður tekið sæti á Alþingi á þessu kjörtímabili og býð ég hann velkominn á ný til starfa.