131. löggjafarþing — 13. fundur, 20. okt. 2004.
Opinber verkefni og þjónusta á landsbyggðinni.
81. mál
[14:09]
Sigurjón Þórðarson (Fl):
Frú forseti. Hæstv. forsætisráðherra hefur látið hafa eftir sér að nú sé komið að atvinnuuppbyggingu í Norðvesturkjördæmi. Það er vel. Út er komin skýrsla á vegum bæjarstjórnar Ísafjarðar um fækkun starfa á Ísafirði og Vestfjörðum. Hefur hæstv. forsætisráðherra gripið þá skýrslu á lofti og fylgt henni eftir að einhverju marki?
