131. löggjafarþing — 27. fundur, 12. nóv. 2004.
Kjaramál kennara og skólastjórnenda í grunnskólum.
318. mál
[12:01]
Kristján L. Möller (Sf) (andsvar):
Frú forseti. Í tilefni af umræðum um kjaramálin og tekjuskiptingu sveitarfélaga og það að grunnskólinn er nú fjármagnaður af sveitarfélögum eingöngu þá bendi ég á að út er komin skýrsla um styttingu náms til stúdentsprófs. Hún gerir ráð fyrir tilfærslu verkefna til grunnskólanna, aukinnar endurmenntunar og aukinnar námsráðgjafar.
Ég vil spyrja hæstv. menntamálaráðherra: Hver á að borga þetta?
