Útvarp á öðrum málum en íslensku.

Frú forseti. Það eru fleiri en fullorðna fólkið sem horfir á beinar útsendingar á fótbolta í sjónvarpinu. Það gera krakkar líka. Þetta sagði dóttir mín við mig á laugardaginn þar sem hún horfði á fótboltaleik og náði ekki að fylgjast með því sem þar fór fram á enskri tungu. Ég kem því hér upp þótt ég sé miðaldra karlmaður og tala máli barna í þessu máli.