Afnám laga um Tækniháskóla Íslands.
menntamálaráðherra (Þorgerður Katrín Gunnarsdóttir) (S) (andsvar):
Hæstv. forseti. Ég vil, með leyfi forseta, fá að vitna í lög um háskóla og vil að hv. þm. Einar Már Sigurðarson hlusti á mig lesa úr þeim. Þar segir m.a. í 3. gr.:
„Heimilt er einkaaðilum að stofna háskóla að fengnu samþykki menntamálaráðherra.“
Um þetta snýst málið, að einkaaðilum er heimilt að reka háskóla lögum samkvæmt.
Ég skil mætavel að hv. þingmaður, sem á pólitískar rætur sínar að rekja til Alþýðubandalagsins, hafi ekki í orðabók sinni orðið „einkarekstur“. Ég vona að menn bæti úr því.