Afnám laga um Tækniháskóla Íslands.
menntamálaráðherra (Þorgerður Katrín Gunnarsdóttir) (S) (andsvar):
Hæstv. forseti. Þeir nemar sem nú þegar eru í Tækniháskólanum og hafa skráð sig, eins og hv. þingmaður kom inn á, munu ekki greiða skólagjöld. Þeir sem hafið hafa háskólanám i Tækniháskólanum munu ekki greiða skólagjöld þar til þeir ljúka námi sínu.
Ég vil undirstrika það að nemar í frumgreinadeildinni munu ekki greiða skólagjöld. Nemar í frumgreinadeildinni, samkvæmt samtölum mínum við forsvarsmenn hins nýja háskóla, munu ekki greiða skólagjöld í nýjum háskóla, enda er það nám ekki á háskólastigi heldur á framhaldsskólastigi.