Söfnunarsjóður lífeyrisréttinda.

Virðulegi forseti. Eitt megintilefni þess að þetta frumvarp er flutt er að kostnaður vegna innheimtna sjóðsins hefur hækkað verulega og það þurfti þess vegna að hækka kostnaðarhlutfall eða möguleika á því að taka ekki 2% heldur allt að 4% í innheimtuþóknun til sjóðsins. Við segjum að það sé full ástæða til að fækka stjórnarmönnum úr sex í fimm í Söfnunarsjóði lífeyrisréttinda og gerum tillögu um að sá möguleiki á því að spara fyrir sjóðinn sé nýttur.

Virðulegi forseti. Það má sjá hér eins og víða annars staðar í umræðum og afgreiðslu fulltrúa ríkisstjórnarinnar að þeir hafa engan áhuga fyrir því að spara. Segið svo ekki að við höfum ekki lagt okkar af mörkum í því skyni að reyna að spara.