Tekjuskattur og eignarskattur.

Virðulegi forseti. Um þetta er ekki hægt að segja annað en að það er greinilega engin samstaða um það innan Samfylkingarinnar hvort svigrúmið er til staðar eða ekki. Í það minnsta verður ekki annað ráðið af orðum hv. þingmanns en að ef gengið yrði til þess verks að lækka virðisaukaskattsþrepið neðra niður í 7%, eins og hugmyndir Samfylkingarinnar hafa hljóðað upp á, þá teldi hv. þingmaður ekki hægt (Gripið fram í.) að grípa til annarra skattalækkana sem kynntar eru í þessu frumvarpi. Enn flækjast því málin um þá skattastefnu sem tekist er á um í þingsal í dag.