Framhaldsfundir Alþingis.
forsætisráðherra (Halldór Ásgrímsson) (F):
Forseti Íslands hefur gefið út svohljóðandi bréf:
„Forseti Íslands gjörir kunnugt:
Ég hefi ákveðið, samkvæmt tillögu forsætisráðherra, að Alþingi skuli koma saman til framhaldsfunda mánudaginn 24. janúar 2005 kl. 15.00.
Gjört á Bessastöðum, 11. janúar 2005.
Ólafur Ragnar Grímsson.
-------------------------
Halldór Ásgrímsson.
Forsetabréf um að Alþingi skuli koma saman til framhaldsfunda.“
Fundir Alþingis hefjast því nú á ný. Hæstv. forseta, hv. alþingismönnum svo og starfsmönnum Alþingis óska ég gleðilegs árs, þakka hið liðna og býð menn velkomna til þingstarfa og læt í ljós þá ósk og von að störf okkar megi verða landi og lýð til blessunar.