131. löggjafarþing — 81. fundur, 2. mars 2005.
Hollvinasamtök Ríkisútvarpsins.
536. mál
[15:03]
Margrét Frímannsdóttir (Sf):
Virðulegi forseti. Ég tek undir það að hér er á ferðinni allsérstæð fyrirspurn. Það mætti kannski velta því fyrir sér hvort við tækjum upp á sama hátt umræðu um Hollvinasamtök Háskóla Íslands eða fleiri félagasamtök sem starfandi eru.
En það kom mér einnig á óvart hve lítið kom út úr svari hæstv. menntamálaráðherra um hlutverk samtakanna og hver tengingin væri við ráðuneytið. Ég spyr því: Hafa þessi samtök fengið af safnliðum ráðuneytisins einhverja peninga til starfsemi sinnar?
