Stofnun hlutafélags um síldarútvegsnefnd og stofnun sjóða í þágu síldarútvegs.

Virðulegi forseti. Þessi sjóður er á forræði eigenda. Hann er á forræði þeirra sem hafa greitt í hann. Það er stjórn síldarútvegsmanna sem fer með yfirráð yfir sjóðnum og þeir hafa alfarið ákvörðunarvald um það í hvað þeir setja þessa peninga. Við erum bara að gera breytingu út af skipulagsskrá, það er verið að breyta skipulaginu og setja meiri peninga í rannsóknir og annað, t.d. nýsköpun. Það er verið að víkka út starfsemina.