131. löggjafarþing — 133. fundur, 11. maí 2005.
Fjarskipti.
738. mál
[21:55]
Pétur H. Blöndal (S):
Herra forseti. Í kjölfar glæpa og voðaverka kemur yfirleitt krafa um ráðstafanir til verndar borgurunum, ráðstafanir sem oftast skerða frelsi og réttindi einstaklinga. Glæpamennirnir breyta vinnubrögðum sínum svo í samræmi við breyttar aðstæður en eftir situr einstaklingurinn með sífellt meiri skerðingu réttinda og persónufrelsis.
Ég vara við slíkri þróun sem endurspeglast í 9. gr. og segi nei.
