Ráðstöfun á söluandvirði Landssíma Íslands hf.
Hæstv. forseti. Það er mikilvægt að allir íbúar landsins hafi greiðan aðgang að fjarskiptaþjónustu og rafrænum samskiptum.
Segja má að fjarskipta- og upplýsingatækni hafi skapað forsendur til að íbúar í öllum landshlutum gætu sótt sér menntun og ekki síður uppbyggingu á atvinnukostum. Ýmsir atvinnukostir hafa skapast við almennilega uppbyggingu á fjarskiptum og þar sjáum við mikla möguleika fram undan, bæði hvað varðar fjarvinnu og ekki síður í því að samkeppnisstaða fyrirtækja sem fyrir eru mun batna gagnvart öðrum fyrirtækjum í landinu.
Það er auðvitað þannig (Forseti hringir.) að fyrirtæki og atvinnulífið reiðir sig (Forseti hringir.) á upplýsingatækni, sem við verðum að byggja upp á landsbyggðinni.