Fjárlög 2006.
Virðulegur forseti. Það kemur fram að í frumvarpinu er verið að auka nokkuð við fjármagn til háskólans. En varðandi hvað á að gera í málefnum háskólans hefur sú umræða verið uppi á borðum, a.m.k. þann tíma sem ég hef verið í þessari fjárlaganefnd. Í sjálfu sér get ég ekki mikið um það sagt hvar það mál liggur milli ráðuneytisins og háskólans. En háskólinn hefur lagt áherslu á að hann þurfi aukið fjármagn og ég ætla ekkert að rengja það, en þetta er bara mál sem ég tel að við þurfum að vinna í á breiðum grunni.