Nýting vatnsafls og jarðvarma.

Hæstv. forseti. Ég þakka hv. þm. Þórunni Sveinbjarnardóttur fyrir þessa fyrirspurn og ráðherra svörin. Hér er um stórmerkilegt verkefni að ræða, rammaáætlun um nýtingu vatnsafls og jarðvarma þar sem gerður er samanburður á ákveðnum virkjunarkostum og menn hafa komið sér upp gagnasafni um rannsóknir virkjunarkosta í landinu. Því það er nú einu sinni þannig. a.m.k. af hálfu okkar stjórnarliða, að við viljum nýta vatnsafl og jarðvarma með skynsamlegum hætti til að byggja upp atvinnu í landinu. Við byggjum slíkt atvinnulíf ekki upp með skynsamlegum hætti nema til staðar séu vandaðar rannsóknir og sú rammaáætlun sem við ræðum hér gengur í þá átt að við höfum ákveðið tæki til að meta ákveðna kosti til að nýta í þágu uppbyggingar atvinnulífs. Ég vil þakka hæstv. ráðherra fyrir gott starf í þessum efnum (Forseti hringir.) og styð það heils hugar (Forseti hringir.) að þetta verkefni verði áfram vistað undir iðnaðarráðuneytinu.