Umhverfisvænar kröfur til fiskiskipaflotans.

Virðulegi forseti. Ég þakka hv. þm. Ástu Ragnheiði Jóhannesdóttur fyrir þessa athyglisverðu og mikilvægu fyrirspurn.

Það er ljóst að hæstv. sjávarútvegsráðherra getur ekki komið þessum umrædda tæknibúnaði í skip með boðvaldi. En hann getur beitt áróðri og komið upplýsingum til útgerðarmanna á Íslandi. Með því að koma þessum búnaði í íslensk fiskiskip vinnst að minnsta kosti tvennt. Það leggst lóð á vogarskálar vistvænna veiða við Ísland og það er líka stuðningur við að halda þessu hátæknifyrirtæki á Íslandi. Ekki veitir af að íslensk stjórnvöld leggi lóð á þá vogarskál því ekki hafa þau búið svo gott rekstrarumhverfi fyrir íslensk fyrirtæki í dag.