Rekstur vöruhótela.

Virðulegi forseti. Það er ekki mjög langt síðan að til var fyrirtæki sem hér Skipaútgerð ríkisins og nú er hv. þm. Jóhann Ársælsson að biðja um að komið verði á ríkisvöruhóteli. Mér líst engan veginn á þá tillögu hans en aðeins til að ræða þungaflutningana á vegum landsins þá er ég ekki viss um að þetta minnkaði þá til muna. Ekki veit ég hvernig hv. þingmaður ætlar að fara með fiskflutningana, hvort koma eigi þeim fyrir á vöruhóteli og svo mætti áfram telja. Mér finnst t.d. ekkert leiðinlegt að sjá þungaflutningabílana á vegunum. Það sýnir að eitthvað er að gerast í landinu. Fólk hefur atvinnu af því að keyra þessa bíla og af því að selja vörur og kaupa.