Þjóðskrá og almannaskráning.
Frú forseti. Ég vil þakka hæstv. forsætisráðherra fyrir greinargóð svör. Mig langar aðeins að kalla eftir ítarlegra svari hvað varðar hugmynd um breytingar á Stjórnarráðinu. Hæstv. forsætisráðherra sagði að umræddir hæstv. ráðherrar hefðu skilað til sín hugmyndum og þær væru til skoðunar. Síðan nefndi hann að þær kæmu hugsanlega fram núna í vor.
Mig langar að spyrja hæstv. forsætisráðherra: Má búast við frumvarpi um breytingar á Stjórnarráðinu nú í vor eða einungis hugmyndum til kynningar hvað það varðar?