Stofnun hlutafélags um Rafmagnsveitur ríkisins.

Hæstv. forseti. Eins og hér hefur komið fram er það einlægur vilji þeirra sem starfa við þetta fyrirtæki og hafa gert um áratugaskeið að farið verði í þá breytingu sem hér er lögð til. Hv. þingmenn Vinstri grænna virðast hafa miklu meiri þekkingu á rekstri Rafmagnsveitna ríkisins en umræddir starfsmenn sem hafa starfað þar í áratugi.

Þetta er einlæg ósk starfsmanna sem vilja vinna í þágu sinna neytenda með það að markmiði að lækka raforkuverð og auka skilvirkni í rekstri síns fyrirtækis. Það eru göfug og góð markmið sem ég styð af heilum hug. Nú þekki ég ekki hugmyndafræði Frjálslyndra í þessu sambandi, hún mun væntanlega koma í ljós, en mér sýnist að Vinstri grænir séu einangraðir í sinni afstöðu gegn starfsmannafélagi og forustumönnum í þessu fyrirtæki. (KolH: Hvernig lækkar hf. raforkuverðið?)