132. löggjafarþing — 102. fundur, 10. apr. 2006.
Opinber stuðningur við tæknirannsóknir, nýsköpun og atvinnuþróun.
731. mál
Frú forseti. Við ræðum frumvarp til laga um opinberan stuðning við tæknirannsóknir, nýsköpun og atvinnuþróun. Það kom margt fram hjá hv. þingmanni í hennar ræðu.
Ég varð nú satt best að segja svolítið undrandi á því að hún óttaðist mest þá stærð sem yrði á stofnuninni. Við þurfum auðvitað að hugsa stórt og vera stórhuga þegar við erum að tala um uppbyggingu á landsbyggðinni.
En það er eitt sem ég vil sérstaklega spyrja hv. þingmann um. Það er þáttur atvinnuþróunarfélaganna sem eru víða á landsbyggðinni. Mig langaði að spyrja hver skoðun þingmannsins væri á þeirra stöðu innan þess nýja kerfis sem við erum að kynna hér. Í hvaða stöðu vill hv. þingmaður sjá atvinnuþróunarfélögin gagnvart þessu frumvarpi?
