132. löggjafarþing — 120. fundur, 2. júní 2006.
breyting á ýmsum lögum á sviði sifjaréttar.
279. mál
Frú forseti. Það kom fram í máli hv. formanns allsherjarnefndar að hann væri andvígur því að dómarar hefðu heimild til að kveða á um að forsjá skuli vera sameiginleg hjá foreldrum. Mig langar að fá fram svolítið nánar hjá formanni allsherjarnefndar hvers vegna hann treystir ekki dómurum landsins fyrir þessari heimild.