Aðgerðir til að jafna flutningskostnað.

Virðulegur forseti. Það er gott að stjórnarmeirihlutinn viðurkennir að hafa ekki komið kosningaloforði í verk. Ber að virða það. En ég spyr þá hvort búast megi við að fram komi tillögur sem verða settar í framkvæmd nú á þessu ári eða í byrjun næsta árs sem væru þá á grunni þeirrar skýrslu sem fram kom um málið og væri til mikilla hagsbóta fyrir öll landsbyggðarfyrirtæki, þjónustufyrirtæki og framleiðendur sem þar starfa.