flutningur verkefna frá ríki til sveitarfélaga.

Virðulegi forseti. Ég þakka hv. þm. Björgvini G. Sigurðssyni að taka þetta hér upp. Ég er sammála hv. þingmanni um að flytja verkefni í auknum mæli til sveitarfélaga. Það hefur gefist vel. Ég vil þó taka undir með hæstv. félagsmálaráðherra varðandi málaflokkana, þar finnast mér velferðarmálin vera efst á listanum og sérstaklega málaflokkur fatlaðra og síðan aldraðir og það hefur gengið mjög vel í reynslusveitarfélögunum.

Hins vegar tek ég ekki undir hugmyndir hv. þingmanns varðandi löggæsluna. Við höfum nýlega gert góðar breytingar á lögregluumdæmum landsins sem ná oft yfir mörg sveitarfélög og er mikilvægt að fá reynslu á það en það er mín skoðun að þetta komi ekki til greina að sinni.