133. löggjafarþing — 29. fundur, 16. nóv. 2006.
utanríkismál, munnleg skýrsla utanríkisráðherra.
Frú forseti. Ég heyri það á orðum hv. þingmanns að hún er mjög gagnrýnin á það þegar sendiherrar koma í kippum. Ég er það líka. Vísast er þá hv. þingmaður með þeim málflutningi að gagnrýna sjálfstæðismenn, sem voru stórtækir í því að koma jafnvel með flokkshesta inn í þessi mikilvægu embætti. Mér finnst það vera gagnrýnivert og ég er mjög ánægður að heyra að samstarfsflokkurinn skuli ræða um þessa hluti með svo gagnrýnum hætti sem raun ber vitni.