fæðingar- og foreldraorlof.

Hæstv. forseti. Fram til þessa hafa greiðslur í fæðingarorlofi og réttur til umönnunargreiðslna ekki farið saman, þ.e. foreldrar sem átt hafa rétt til að fá greiðslur úr Fæðingarorlofssjóði í fæðingarorlofi hafa ekki á sama tíma átt rétt til umönnunargreiðslna. Með þessu frumvarpi er því breytt og með því er stigið mikilvægt framfaraskref sem ber að fagna.