133. löggjafarþing — 66. fundur, 6. feb. 2007.
skyldur erlendra fyrirtækja og starfskjör starfsmanna þeirra.
541. mál
Virðulegi forseti. Ég verð að viðurkenna að ég er nokkuð berskjaldaður í þessu máli því eins og ég sagði þá hef ég ekki séð eða heyrt það sem hv. þingmaður vitnaði í og ég skal líka viðurkenna það og bið þar með ágætan vin minn, hv. þm. Guðjón Arnar Kristjánsson velvirðingar á því. Ég hef heldur ekki lesið ræðu hans enn þá, þannig að ég er svolítið á reiki í því hvernig ég á að svara þessu.