fagháskólar.

Virðulegi forseti. Ég þakka hæstv. ráðherra greinargóð svör. Ég er mjög stolt af því hvað hún hefur staðið sig vel í sambandi við framhaldsskóla- og þá ekki síður háskólamenntun hér í landinu. Mér finnst það mjög virðingarvert. Þess vegna trúi ég því að átak verði gert í að efla verknámið og iðnnámið. Ég treysti því. Ég hef séð hvernig hæstv. menntamálaráðherra vinnur í sambandi við háskólanámið og framhaldsskólana og ég trúi því að iðnnámið verði eflt verulega.