sameining Kennaraháskóla Íslands og Háskóla Íslands.
Frú forseti. Ég er alveg sannfærður um að þessi sameining mun styrkja og efla kennaranám á háskólastigi og að þau samlegðaráhrif sem munu nást af sameiningunni muni leiða til þeirrar niðurstöðu og að sameiningin muni líka leiða til þess að rannsóknir á þessu sviði verði öflugri og umfangsmeiri en nú er.
Ég tel líka að þessi sameining og þær fyrirætlanir sem eru á borðinu muni leiða til dýpra og fyllra háskólanáms og að það muni á endanum leiða til þess að kennaranám lengist úr fjórum árum í fimm og verði með sambærilegum hætti og aðrar námsgreinar, þ.e. að lagt verði upp með þriggja ára BA-nám og í kjölfarið tveggja ára nám til mastersprófs.
Ég tel að það sé í spilunum og að á endanum munum við sjá fram á öflugri og betri kennaramenntun en nú er.