sala áfengis og tóbaks.

Frú forseti. Ég þakka aftur hv. þingmanni fyrir þessa ábendingu. Mér finnst þetta vera ákveðinn nýr vinkill í þessari umræðu og spyr hv. þingmann hvort hann sé tilbúinn að beita sér fyrir þessu. Ef framboðið verður það sama og nú er á landsbyggðinni með tilliti til sterku drykkjanna, finnst mér öðru máli gegna um þetta frumvarp en það í raun hefur verið kynnt hér. Mér fannst mjög athyglisvert að heyra þetta og vil fá að heyra hvað þingmaðurinn segir um framgang frumvarpsins hvað þetta varðar.