tekjuskattur.

Virðulegi forseti. Ég vil gera að umtalsefni óviðurkvæmileg ummæli hv. þingmanns með því að líkja núverandi kerfi með opinbera birtingu skattskrár við einhvers konar Stasi-fyrirkomulag eða sovéska umgjörð.

Þetta er þvert á móti mjög gott fyrirkomulag, að minnsta kosti dæmi um séríslenskt fyrirkomulag sem í upphafi var byggt á almannahagsmunum og þjónar enn mikilvægum almannahagsmunum. Það er algjörlega í samræmi við réttarþróun síðustu ára þar sem í síauknum mæli er lögð áhersla á gagnsæi og upplýsingaskyldu um kjör, hvort sem er kjörinna fulltrúa eða lykilstarfsmanna í fyrirtækjum.

Ég er ánægður með ummæli hv. þingmanns því þau eru þessu vonda frumvarpi ekki til framdráttar.