tilfærsla verkefna innan Stjórnarráðs Íslands.

Herra forseti. Frumvarpið sem hér er að verða að lögum er illa undirbúið. Enda þótt einstök atriði þess séu til bóta er ekki um að ræða heildarendurskoðun á skipulagi Stjórnarráðsins eins og heitið var.

Fullyrðingar í greinargerð um að markmiðið sé m.a. að skipa svipuðum málum saman standast ekki. Þvert á móti kemur fram í umsögnum að hið gagnstæða eigi við, einkum er varðar málefni landgræðslu og skógræktar.

Stjórnarflokkarnir virðast hafa lokað eyrum og í raun öllum skilningarvitum gagnvart umsögnum og rökstuddum athugasemdum og fullyrðingar um víðtækt samráð reynast orðin tóm og innihaldslaus. Hið sama á við um kostnað sem sagður er óverulegur. Þar stendur ekki steinn yfir steini.

Stjórnarflokkarnir leyfa sér að koma inn í þingið með mál þar sem rökstuðningurinn byggir á röngum upplýsingum. Stjórnarflokkarnir ásamt stuðningsflokki sínum frjálslyndum verða að bera ábyrgð á því.