fullgilding Palermó-samnings gegn fjölþjóðlegri skipulagðri glæpastarfsemi.

Frú forseti. Það er gott að hæstv. utanríkisráðherra er sammála því að kominn sé tími til að dusta af þessu rykið, fullgilda bókunina við Palermó-samninginn og samning Evrópuráðsins um mansal. Ég vil skora á hæstv. utanríkisráðherra að ganga hart fram í að kalla eftir niðurstöðum frá réttarfarsnefnd eða dómsmálaráðuneytinu hvað það varðar, þannig að ekki verði lengur beðið en til hausts með að leggja fram þingsályktun um fullgildingu á hvoru tveggja.