Þjóðskjalasafn Íslands.

Virðulegi forseti. Ég tek undir þau sjónarmið sem hafa komið fram hjá hv. þm. Kolbrúnu Halldórsdóttur og Álfheiði Ingadóttur, það er með ólíkindum hvernig hefur verið staðið að málum í dag. Hvað eftir annað hefur dagskrá verið rofin og ekki farið að einu eða neinu leyti eftir þeirri tölusettu dagskrá sem var útbýtt í morgun. Sumir þingmenn eru búnir að bíða eftir því að komast í ræðustól í lengri tíma af því að þeir hafa búist við því að það væri eitthvert eðlilegt skipulag hér á málum en ekki algjört stjórnleysi eins og búið er að vera í dag.

Það er nú einu sinni þannig, virðulegi forseti, að tími okkar allra er jafnmikilvægur. Tími þingmanna og tími ráðherra er jafnmikilvægur. Þegar ráðherra labbar í salinn er hann eins og hver annar þingmaður, tími hans er ekkert merkilegri en annarra. Það er gjörsamlega óviðeigandi að þingmaður sé hér í miðri ræðu að bera fram fyrirspurnir til ráðherra (Forseti hringir.) og ráðherrann er ekki til andsvara um mál sem kemur viðkomandi við.