viðauki við fjögurra ára samgönguáætlun 2007--2010.
Hæstv. forseti. Ég hef fullan skilning á því að hæstv. samgönguráðherra hafi ekki getað svarað öllum þeim spurningum sem til hans var beint og þar á meðal minni sem var sett fram undir lok umræðunnar en það gefst tækifæri til þess núna.
Hæstv. samgönguráðherra hefur verið með mjög afdráttarlausar yfirlýsingar á Alþingi um kosti einkaframkvæmdar í þá veru að slík framkvæmd standist betur tímaáætlanir, hafi síður tilhneigingu til að fara úr böndum en auk þess hefur hæstv. ráðherra vísað í meiri sveigjanleika, viðbragðsflýti og hæfni. Þetta kom fram í ræðu sem hæstv. samgönguráðherra flutti 2. október sl. eftir stefnuræðu forsætisráðherra.
Spurning mín er þessi: Hvaðan hefur hæstv. samgönguráðherra upplýsingar sínar? Á hverju byggir hann þessar afdráttarlausu yfirlýsingar?
