tekjur af endursölu hugverka.
Frú forseti. Mér varð að orði hér áðan að kannski væri nóg komið af nefndum og starfshópum og við vildum sjá aðgerðir ríkisstjórnarinnar frekar en að mál séu sett í starfshópa og nefndir.
Nú ætla ég hins vegar að leyfa mér að fagna því að hæstv. ráðherra skuli vera með nákvæmlega þetta mál í starfshópi. Ég treysti því að hópurinn, sem samkvæmt svari hæstv. ráðherra á að skila af sér innan skamms, komist að þeirri niðurstöðu að tekjur af því tagi sem hér um ræðir verði skattlagðar sem eignatekjur, þ.e. með 10% skattprósentu. Ég hvet hæstv. ráðherra til dáða í þessum efnum og þakka kærlega fyrir svörin.