lokafjárlög 2006.
Herra forseti. Hér er verið að greiða atkvæði um lokafjárlög vegna ársins 2006. Þegar er búið að ganga frá ríkisreikningi fyrir árið 2006 þannig að þessi afgreiðsla er ekki í takt við fjárreiðulög. Samkvæmt lögum á að afgreiða ríkisreikning og lokafjárlög saman.
Það sem þarna er verið að taka fram í lokafjárlögum, eins og kom fram í umræðunum hér, er orðinn hlutur. Þetta er nokkurs konar stimpill af hálfu Alþingis á gjörðir framkvæmdarvaldsins. Þess vegna sitjum við þingmenn Vinstri hreyfingarinnar – græns framboðs hjá við þetta frumvarp en áteljum vinnubrögðin sem að baki því standa. Þarna eru tilgreindar upphæðir sem ekki eiga heima í lokafjárlögum (Forseti hringir.) og auk þess eiga lokafjárlög og ríkisreikningur að fylgjast að.