136. löggjafarþing — 12. fundur, 14. okt. 2008.
vatnalög.
23. mál
Herra forseti. Ég get upplýst hv. þm. Jón Magnússon um að það er verulegur ágreiningur milli mín og t.d. hv. þm. Kolbrúnar Halldórsdóttur sem sat í þessari nefnd um það hvernig fara eigi með vatnsréttindi og réttindi landeigenda í þeim efnum. Við erum í grundvallaratriðum ósammála um aðferðafræði. Það kom fram í nefndinni og það liggur að baki þeim orðum sem hv. þingmaður vísaði til í greinargerð með frumvarpinu.