virðisaukaskattur, vörugjald o.fl.

Hæstv. forseti. Ég þakka hæstv. ráðherra fyrir þær upplýsingar sem hann hér gaf og tel þau rök sem hann færði fram fyrir því að fjölga ekki málum á síðustu dögum fyrir jól réttmæt. Ég vænti þess hins vegar að það sem hann sagði um næstkomandi ár gangi eftir og að við sjáum hér stefnumótun sem verður til lengri tíma en við erum að afgreiða hér með þessum lögum til eins árs í senn.